خبرگزاری ارک

جدیدترین اخبار سیاسی، اقتصادی، فرهنگی، هنری

آخرین اخبار ورزشی، آذربایجان

دیریلیگه نقشه چکک- اشعار ترکی محمد اشراقی

تیکینتینی تیکمک نئجه نقشه ایستر
دیریلیگی ائتمک ائله نقشه ایستر

دیریلیگین نقشه سینی کیملر چکر?!
یاشاییشین کؤکلرینی کیملر اکر?!

یارانیشین نقشه سینی تانری چکیب
ائله بیلکی گول توخومون باغچی اکیب

نقشه سیز ایش, الی یالین دؤیوشمک دیر
داشلیق یولدا ایاق یالین یوروشمک دیر

یوخسوللوغون قایناغی دیر نقشه سیزلیک
آغریلارین توخداغی دیر ائله بیلیک

اؤلکه اوچون نقشه لری دولت چکر
یاشاییشین نقشه سینی ملت چکر

عغیللی لر نقشه ایله ایشلییرلر
بیلیکیله باشاریغی بیرلییرلر

نقشه لری بیلیکلی لر چکملیدیر
ائللر ایسه نقشه ایله گئتملیدیر

بو اؤلچویله ایش گؤرولر یوزه یئتمیش
قالانی دا قالار گئدن نئجه گئتمیش

باشاریقلار سونوجلاری آییرارلار
باشارانلار گلیرلرین آرتیرارلار

باشارانلار یاشاییشدا یاخشی یاشار
دوگونلرین آچماسینا قارشی قاچار

باشاریقسیز ایتمز یولدا, گلیب چاتار
چتینلیگه دوشسه ایشدن چیخیب قاچار

نقشه سیزلر اینجییرلر دیریلیک ده
نقشه لی لر یاشایالار دینجیلیک ده

دئمه لی دیر دیریلیگه نقشه گرک
گؤزو آچیق بیلیکیله گئتمه گرک
١٣٩٨/٨/١١
محمد اشراقی( گونش)
سؤزلوک: فرهنگ لغات
تیکینتینی:ساختمان
تیکمک: سخت وساز , دوختن
دیریلیک ائتمک: زندگی کردن
الی یالین: دست خالی
ایاق یالین : پا برهنه
دؤیوشمک: جنگ کردن
یوروشمک: دوندگی
یوخسوللوغون قایناغی: سرچشمه فقر
آغریلارین توخداغی : درمان دردها
بیلیک : دانش
اؤلکه : کشور
بیرلییرلر: ادغام می کنند.
اؤلچو:معیار
سونوج: نتیجه
گلیر: درآمد
دوگون: گره
قارشی قاچار: پیشقدم می شود

مطالب مشابه