یاخشی شهر – اشعار ترکی محمد اشراقی

یاخشی شهر گؤزللیک ده اؤرنک اولار

بوشهرده یاخشی باغلار گؤرمک اولار

یاخشی شهرین اهلی اگری اوغرو اولماز

یاغیش یاغسا سو یوللاری یئیین دولماز

بوردا کسمز آلوئرچیلر ائلین جیبین

دوز ایشچیلر دولاندیرار ائلین ایشین

وارلی یوخسول بو شهرده  آرینمازلار

شهرلی لر یاشاییشدا آیریلمازلار

شهرین اهلی سئچر شهرین بؤیوکلرین

سئچگیلرده بیرلشدیرر گؤروشلرین

یاخجی شهر باخچا کیمی گوزل اولار

گل گئت اوردا یونگوللوک ده اؤزل اولار

بیلیک, صنعت بوشهرده اؤیره دیلر

سئوگی ایله گونوز گئجه اؤیره نیلر

بوشهرده معنا-ماده بیر یاشارلار

شنلیکیله  یاشاییشا  یئر آچارلار

یاخشی شهر دئمک بهشت بوجاغیدیر

یئر اوزونده یاخجیلیغین قوجاغیدیر

یاخشی شهری اهالیسی دوزلدرلر

یاخشیلیقدا یاشاماغا گول اکرلر

١٣٩٨/٨/٩

نوشته های مشابه

دکمه بازگشت به بالا