دوسداق- اشعار ترکی محمد اشراقی
دیری دوشدو دیریلیگی تاپماغا
بویورولدو دوسداق ایچره قالماغا
دوسداق ایچره اگری اوغرو یانیندا
قورخوسوندان اونوتدو اؤز آدیندا
یئر داراشلیق قاپی باغلی قارانلیق
چؤره ک قورو یانیندا یوخ یاوانلیق
قیشی سویوق یایی ایستی یازی شئه
چوخلو سازاخ کولک اسیر آزدا مئه
های گلیردی اوره ک لری سیخیردی
ائشیده نین دامارینی قیریردی
گئجه گونوز بیلینمیردی دوسداغا
اولماییردی دینج بیرچاغ اویماغا
توتساق دئمک درین قویو دار اوزون
ایتیریردی دیریلیگین داد دوزون
بیلینمه دی دیری اؤلدو؟ قوتولدو؟
قورتولاندا وارلیغینی اوتوزدو؟!
اوستون اولسا پیسلیک ائله چتین دیر
دینج لیک یوخ ، ائل آغریسی درین دیر
یاخشی لیق لار یاییلیرسا هارایا
یئر آچیلار ائله آرتیق یاراما
دوشونجه لر پیس لیک لر دن آرینسین
وئرگی لرله ائل دینج ده یاریسین
ائلی پیس دن تئز قوتارسین تاریسی باغلی قالسین دوسداق لارین قاپیسی
