بوگونلرده گئدر- اشعار ترکی محمد اشراقی
باهالیغی گؤرور ائل
چتینلیگه دؤزور ائل
یانار اود دور دوشوبدور
ائلین گوجون اوزوبدور
ائلی سئون سؤندورور
اؤزون گؤرن پوفلویور
کیم کئچیردر یانقینی؟
ایشه سالان عاغلینی!
پوفلور اودو محتکیر!
قورو اوتا قور سپیر!
آلیب ییغیر یئمه گی
اسیرگه ییر کؤمگی
یئری یوخدور ییغماغین
ائلین ائوین ییخماغین
آلدون پایلا یوخسولا
اؤز ائلینه قونشونا
ییغماق آزلیق گتیرر
دیبده آجلیق یئتیرر
ائل وارینی یاندیرار
دینجلیگی قالدیرار*
هامی یانار اودونا
کیمسه قالماز قورونا
گئچیب گئدر بوگونلر
آچیلار چوخ دوگونلر
قیش دا چیخار یازگلر
شنلیگیله ساز گلر
اوزو قارا پیس قالار
کؤمورکیمی قارالار
ائل تانییار یاخشینی
پیس دن آلار حاققینی
