ائل دیلی- اشعار ترکی محمد اشراقی
هر ائلین اؤزونه دینی وار
بیلیک له سؤزونه دیلی وار
دینله دیل ائللرین دگری
گئچمیشدن قالقیسی اثری
اوشاقلار اؤیرنسه دینلرین
تانیرلار ائل ایچره یئرلرین
ائل دیلی آنالار دیلی دیر
اوشاغا ان ایلکین بیلگی دیر
ائل دیلی داشییار سئوگینی
یارالدار ائل ایچره ایلگینی
ائل دیلی گرک دیر قورونا
ائل ایچره یازیلیب اوخونا
اوخونسا ائل دیلی دیرچلر
یازیلسا اؤنمی بللنر
آیری دیل اؤیرنمک گرک دیر
ائل لرله ایلگییه کؤمک دیر
گوجلنر نئچه دیل بیلنلر
بیلن دیر بو سؤزو دیینلر
دیل ائله تانری دان عطا دیر
ائل دیلین دانماسی خطا دیر
ایل دیلی ائلیله یاشایار
ایشلنسه گئتدیکجه یارایار
دیل گرک قوشولا واریله
چالقیلا قونوشا سازیله
ائل دیلی ایشیله آلیشار
ایش لرده دیل لرله یاریشار
ائل دیلله اؤنمین بیلدیرر
دیل ایسه اؤز ائلین دیریلدر
ائل دیلین اونودسا اوتوزار
گئتدیکجه قورویار قوترتولار
۱۳۹۳/۳/۱۸
