انسانام- اشعار ترکی محمد اشراقی

آغلا قارا قیرمیزی یا سارییام
آدیم انسان اؤزوم بالا تارییام
تاری منی اؤزو کیمی یارالدیب
بهشت دن یئر اوزونه آپاریب
آتام آدی دئیرلرکی آدام دیر
حوا ایسه دئمک ایلکین آنام دیر
بویالاریم شرایط دن یارانیب
ایستی گوندن قارالاریم آغاریب
انله بویوم داغلا داشدا تؤرنیب
اوزله گؤزوم سو تورپاقدا دوزلیب
بویا گرک آییرمییا بیزلری
انسانلیغین آلینمییا ایذلری
دوشونجه دیل چئشیتلیگی بزک دیر
تانینماغا دوغرو ایلگی گرک دیر
آیریلیقلار بیرلیک ایله دیرچلر
چیچکلیک لر نئجه آچیب گوللنر
یاخشیلیقلار انسانلیغین ایذی دیر
سئوگی ایسه یارانیشین سؤزی دیر
۱۳۹۸/۳/۱۱

نوشته های مشابه

دکمه بازگشت به بالا