یاخشی اولاق- اشعار ترکی محمد اشراقی

بیز هامینین ایشلرینه یئتیشیریق!
چوخلارینین اؤزونه ده ائجیشیریق!*
دئمیریک کی اؤزوموزده آداملاریق؟
یئییب ایچیب ایش گؤرنوق یاتانلاریق!
یاخشیدیر کی اؤزوموزو آراشدیراق
سونرا دوروب آیریلاری دانیشدیراق
بللیدیرکی بیزیم ده وار پیس یاخشیمیز!
دیریلیک ده آلچاق اوجا ایش آغریمیز!
گرک گورک ایشیمیزه یاراشیریق؟
ائل ایشینی دوغروداندا باشاریریق؟
امکداشلار ساغ قالیری الیمیزدن؟
ائل له اوبا قازانیری ایشیمیزدن؟
یا ییخیریق کیم چیخیری اؤنوموزه
گؤتوروروک ائل وارینی اؤزوموزه
آنا آتا ، باجی قارداش، تانیییریق؟
یا چتینده یالان یئره آغلیییریق؟
هامی اؤزو اؤز حالینی یاخشی بیلر
هره اؤزو پیسلیگینی یاخشی سیلر
یاخشیدیرکی یاخشی اولاق ایلک اؤزوموز
پیس گؤرنده دییه بیلک دیک* سؤزوموز
دادلی دیرسا اگر پیسلیک ضررلی دیر
یاخشیلیغا پیسی سیلمک گرکلی دیر
پیسلیک گئتسه انسان اولار دوز فرشته
بئله لیک له دونیا دؤنر دوز بهشته
اولار بو ایش اگر هامی یاخشی اولا
یاخشیلیغی قوروماغا* باغلی* اولا
اوگون داها یاشاییشدان یورقون اولماز
پیس الیندن گولر اوزلر سولقون* اولماز
۱۳۹۸/۱/۲۵
*ائجیشیریق: اذبت می کنیم
*سولقون: پژ مرده

نوشته های مشابه

دکمه بازگشت به بالا