یالنیش دیریلیک- اشعار ترکی محمد اشراقی
سئوگیلیم تئز گلدی تئز گئتدی
لوت گلدی اگنینده بئز گئتدی
بیلمزدی یاشاییش نئجه دیر
گینه ده دوغروچو گیژ گئتدی
ائوینده یئمزدی آغزالما
تاپمازی یومورتا یئرالما
بال قئیماق یئماقدان کوکلدی
توخالیب بیلمددی آجالما
بیلمزدی تئلفون نئچه دی
موبایلا دئیردی سئرچه دی
ایشلتدی آیفونلا سامسونگو
سایمادی یالان دوز نئجه دی
دوغروچو دونیانی اونوتدو
اؤزونو مجازدا قوروتدو
پوزوندان چکمدی الینی
یالنیشدا یاشادی قوتولدو
قازانجی اولمادی ائلینه
ایشییدی گلنه دئیینه
سؤزونه باخمادی اوشاغی
قویمادی یاخجیسین یئرینه
