اوشاق ائوین گولو- اشعار ترکی محمد اشراقی

اوشاقلار ائولرین گولو دور
گولو یوخ ائولرین اؤزو دور

یئتیشسن بؤیویوب آچارلار
ائو ایچره دیرچه لیب قاچارلار

اوشاغا یئتیشمک گرک دیر
بو ایش بیر سئویملی امک دیر

اوشاغی بیلیک له بؤیوتسک
اوره ک دن وقت قویوب یئتیشسک

اوشاغین دویونو* آزالار
احوالی دوغرودان سازالار

اوشاغی باشینا بوراخساق
دانلاغی دؤیوشو اوزاتساق

گئتدیکجه یاخجیسی پیسه لر
چئشیتلی گوجلری کوته لر

ائو ائشیک باخچادیر اوشاغا
بللی دیر بو گرچک اویاغا

باغبان بیتگینی بیتیرر
زحمتی ثمره یئتیرر

اوشاغی بؤیوتمک چتین دیر
امگی هامییا یقین دیر

چالیشاق اوشاغی تانییاق
وجودون پیسلیک دن آرییاق

اوشاغین یاخشیسی فخردیر
گؤرولموش ایشلره اجردیر

گلجک اوشاقلا دوزه لر
گرک دیر یاخشیلیق گؤره لر

نوشته های مشابه

دکمه بازگشت به بالا