آغریلار/ دردها- اشعار محمد اشراقی

ایسیتروخ ایستگه* یئتیشاق
گرک دیر چوخ قیوراق* یئرییاق

یوکوموز دولودور واریلا
گئدیریک گوجلو بیر آتیلا

انیش* له یوققوش*لار آشیریق
ائل یوکون چتین ده داشیریق

یاتانین سایی چوخ آییق دان
چوخلاری اینجییر دارلیق* دان

اکینی بیچن له یئین چوخ
پیسلیگه سون قویون دئین یوخ

وار* گئدیر آرتیمی* گؤروشمور
ائل پایی دوزلوک له بؤلوشمور

بئله اولسا ایستگه چاتاریق؟
یا دوزده اگریلیب آزاریق؟

گرک دیر دوغروچو، دوز اولاق
ایستگه چاتماغا گوج قویاق

اگریلیک یول لارین باغلایاق
اوغرونون ال لرین داغلایاق

ائل اولا اؤنملی هامییا
ایلک ائل، دیرچه له* یارییا*

دوز ایشله توخدایار* آغریمیز*
تاپشیریب دوزلوگو تاریمیر*

سؤزلوک:
*ایستک: خواسته، مقصد، هدف
*قیوراق : سریع
*انیش: سرازیری
*وار: دارائی، ثروت
*یوققوش: سربالائی
*دارلیق : تنگنا *ارتیم: افزایش
*دیرچه له : رشد کند
*یارییا: موفق باشد
*توخدایار: شفا می یابد
*آغریمیز: دردمان

نوشته های مشابه

دکمه بازگشت به بالا