خبرگزاری ارک

جدیدترین اخبار سیاسی، اقتصادی، فرهنگی، هنری

آخرین اخبار ورزشی، آذربایجان

آنا نه یه بنزر؟!- شعر از محمد اشراقی

آنا! دئییم بنزه ییرسن، سن نه یه؟
یئرسیز دئگیل دئسم تانری اؤزوسن!
آچیلمایان تاپماجا دیر وارلیغین
دئمک اولار تاپماجانین اؤزوسن
یاراتماییب سنین تایین تانریمیز
گؤزه للیک ده ، یارانیشین گؤزوسن!
تایین یوخدور یاخشیلیق دا ،گؤزوم ده
یاخشیلیق لار ، باخچاسی نین گولوسن
قانیم سنین بال سودوندن تؤره نیب
اوشاغینلا دیریلیگین بؤلورسن!
دایانیرسان چتینلیک لر اؤنونده
داغ لار کیمی آغیرلیغا دؤزورسن
شن یاشارام گولوش لرین ایچینده
سئوگیلیمسن شنلیک لرین گولوسن
قـوجالسامدا اوشاغینام ایندیده
اوشاق لارین آغزینداکی سؤزوسن
سئویملی سن! چوخ سئویرم من سنی
سئویملی یوخ ، سن سئوگینین اؤزوسن

مطالب مشابه