خبرگزاری ارک

جدیدترین اخبار سیاسی، اقتصادی، فرهنگی، هنری

آخرین اخبار ورزشی، آذربایجان

یارانیشین آخینی- اشعار ترکی محمد اشراقی

دنیا دا نه واردیر حادث دیر
یئنی لر اسگی یه وارث دیر
یئنی له اسگی لر دؤیوشر
یاخشی پیس بیرلشمیش گؤروشر
قاریشیق بیر بؤلوم گؤیره ر
یئنی لیک بو یول لا تؤرنر
دورماییب بو آخین آخیری
یارادان اؤزو ده باخیری
دئییب اول، اولوبدور بو آخین
اوبیری سؤزلری بوراخین
یارانیش قایناییر اؤنوز ده
تؤ ره نیر گئجه ده گونوزده
یاخشی لیق آخینی دورولدار
پیس لیک لر یاخشینی قورودار
پیس لیک لر جهنّم اودو دور
پیس لرین یاندیران قورودور
یاخشی لیق جنّت ین سؤزو دور
سؤزو یوخ جنّت ین اؤزو دور
پیس یاخشی وارلیغین گوجو دور
گوجو یوخ وارلیغین اؤزو دور
بیلمه سه بیریسی بو ایشی
باشارمیر دوز یولدا یئریشی

مطالب مشابه