باهالیق- محمد اشراقی
ایکی ایل دیر آز یاغیر
یاغیش لا قار ایرانا
حاصل وئرمیر زمی لر
یئره توخوم سالانا
دوققوز یوزه چیخیبدیر
نخود لپه مرجیمک
دوگو اولوب مین تومن
آلماق ایستیر برک اوره ک
وارلی بیلمیر باهالیق
آلیر اوره ک سئودیگین
یازیق یوخسول تاپانمیر
دویون قارین یئدیگین
آرواد اوشاق یانیندا
باش آشاغی یوخسول دور
چوخ ایشله ییر آز تاپیر
قارینی آج یورقون دور
وای وای دئییر باشچی لار
یوخسول لارا بوگون لر
گونو گون دن پیسله شیر
آچیلماییر دوگون لر
گره کلی دیر ائلیمیز
اؤز الیله ایش گؤرسون
بیلیک ایله ایشیندن
امگینی گؤتورسون
تاپیشیرماسین ائل ایشین
بیر یول لوغا اؤزگه یه
ائل یولوندا وار قویسون
حاضر اولسون اؤلمگه
بئله اولسا پیسلیک لر
یاخشیلاشار اؤلکه ده
هامی یاشار دینج ده
باشی اوجا بؤلگه ده
