ایش ماهنیسی -محمد اشراقی
یئرله گؤیو یارالدیبدیر ایش گوجو
گؤیه سالیب سامان یولو ایش گوجو
داغ لار قالخیب ایش گوجویله آیاغا
ال لر چاتار ایش گوجویله گون آیا
اتم ایچی قایناییری ایشیله
وارلیق دوغور اولمازیندان ایشیله
باخچالاردا گول ایشیله آچیلار
گؤزه ل ایی لر یوردوموزا ساچیلار
ایش وارلیق دیر گؤزه ل لیک دیر کمال دیر
واریوخوموز ایشچی لردن قالان دیر
ایش یارالدار، یارالدان دا ایشچی دیر
یاشاییشی دولاندیران ایشچی دیر
یئر اوزونده ایشلیین لر گوجلنر
ایشله میین وار ایچینده کوفلنر
بیلیک صنعت ایشله مگین سونودور
دوز ایش گؤرمک دیرچلیشین یولودور
ایشدن قاچما ! ایشینی گؤر اوره ک دن!
آغیر یوکون ایشیله آچ کوره ک دن !
قوی دئسینلر ایش ایشله دی یارالتدی
اؤزونو او ایش اوستونده قارالتدی
دئمه سینلر ایشلمزدی یاتاردی
دینج لیک ده گونوگونه ساتاردی
ایشلمه میش یئمک بیزه عاردی بیل
حق اؤنونده امگیمیز آزدی بیل
گل ایشله یک یوردوموزو بزه یک !
وار اول دئسین بیزه اوجا گله جک
«گونش»چیخسین اؤلکه میزده یای کیمی
شن یاشاسین ائل لریمیز بای کیمی
